移民澳洲小百科 - 自己做申請好還是聘請高明?

上回講到究竟一個普通人係咪有能力應付申請簽證呢件事，同埋澳洲 agent 係咪一定比香港 agent 好？

第一個問題，其實一般人，如果符合到小編個人認為既以下條件，係有能力處理到申請 visa 的事宜︰

1. 有充裕既空閒時間同埋充分既理解能力自己去鑽研申請簽證既各項程序/要求

唔係講緊有幾多個小時，係用緊日什至月去計；亦都唔係講緊上 facebook whatsapp 求分享求 PM...係真係要坐定定係度細閱唔同既 requirements；

2. 唔怕麻煩去同唔同既單位接觸應對

講緊既可能係你只係想問一個問題，但來來回回左十個八個 email 仍然不得要領…仲要係如果有人應你機的話 – 無誇大，此為小編既日常經歷；

3. 有信心自己既申請唔係一個 complicated application

留心，有信心同事實上係唔係完全係兩回事，我可以分享既係曾經聽過申請人入左申請後一直都等唔到結果，申請足足拖左差唔多兩年然後落得被 refuse 既結果；

4. 過去無犯罪紀錄/申請簽證被拒紀錄/體格方面無任何已知問題。

如果你認為自己係符合到以上既條件既，咁"可能"你係有能力去處理自己既簽證申請。否則，都係認真考慮要唔要去聘用返專業既移民顧問去幫一幫手啦！

篇幅問題，唔想大家比我既文字浸親，第二個問題唯有分拆到第四回再解答！