移民路上，是否只有面前的一條路可行？

上一帖問大家係移民路上會唔會有著乜都肯去試既心態，今日又借機會同大家分享下一個個案：

E 小姐本身為一名社工，本來打算以社工職業申請技術移民。 社工AASW Skill Assessment 既入場價為 IELTS 全 7 (從前係要一 take 過，到近呢一兩年先可以夾單)，而 IELTS 亦只係 AASW 唯一可接受之英文考試，所以 E 小姐都為左呢個IELTS分數一直努力中。

E 小姐知要 IELTS 成績達標未必係一時三刻既事，所以都一路研究社工以外有無其他職業可以幫到佢申請移民。E 小姐後來發現自己從事緊既工作可能都符合另一職業 – Welfare Worker，雖然入場價都一樣為IELTS 全 7 ，但除左 IELTS 以外，其他如 TOEFL / PTE / CAE 既同等成績都可被接納。E 小姐由於已考取 PTE 之同等成績，所以就同我地聯絡，睇下我地可唔可以幫到手。

老實說，當社工職業係 189/190/491 簽證都申請得，而 Welfare Worker 卻只可申請 190/491 簽證時，過往實在無乜人會著眼呢一個職業。所以當 E 小姐搵我地幫手時，我地都俾佢考起；而我地都好坦白咁同 E 小姐講我地真係無做過 Welfare Worker ACWA Skill Assessment 既經驗。

慶幸既係，經過我地同 E 小姐既多番溝通，E 小姐對我地既能力同經驗都有更深入既了解。最後，E小姐決定將佢既 ACWA Skill Assessment 交托俾我地去處理。難得得到客人既寶貴信任，我地當然都不敢怠慢，小心翼翼，戰戰兢兢咁幫佢準備整個申請。

ACWA Skill Assessment 所要求的工作證明文件都別樹一格，唔係我地一般打工仔會拎得到既文件。係準備過程中，我地同 E 小姐一直通力合作，去將一切唔可能既事都變得可能。

申請前既辛苦係為左換來申請後既美好結果：ACWA 一Q 不問，直接批出 “Suitable” Skill Assessment，所有社工工作經驗獲得認可！

雖然離成功移民都仲有一段路程，但至少 E 小姐宜家可以考慮以兩個職業雙線出擊咁去申請移民，幫自己買多一個機會！

故仔就講完，大家又會唔會趁機審視一下自己除左面前既一條移民路外，其實左左右右前前後後有無其他大門俾你行到去同樣/不同既目的地呢？加油加油！