2021 勵志帖 - Global Talent Independent Program

踏入2021第一post，領航移民首先係度恭祝大家有個健康開心既2021年，希望疫症可以盡快離我地而去，世界回復返正常既生活！

新一年，想借一個機會同大家講一個勵志既故事。呢個係一個關於我地既客戶 V先生的故事：

V先生其實好多年前已經有移民既念頭，但試左好多國家同唔同既方法都不得要領。係澳洲方面，佢一直都想試技術移民，奈何考左十次八次英文試始終都拎唔到一個理想既分數；好不容易搵到一個潛在僱主希望行到僱主擔保類別簽證，想進行資歷審核 Skill Assessment 時，本身選用既移民律師收取左費用後又無積極幫佢處理 Skill Assessment 的申請，最後甚至話佢唔會成功架喇不如考慮黎澳洲讀書先再諗移民。

V先生後來經朋友介紹後認識到我地 #領航移民，我地研究過 V先生既背景同睇過佢根據移民律師指示所準備的 Skill Assessment 文件後，都認同 V先生係唔會成功。V先生同我地都心知佢既個案唔係 straight forward，但呢個唔係我地認為佢唔會成功既原因。V先生 Skill Assessment 註定失敗既原因，係因為移民律師只係叫 V先生將澳洲政府提供以作參考既 job duties 搬字過紙咁去成為自己既 job duties，而 Skill Assessment Authority 亦好清楚講明抄抄貼貼既 job duties 係一定不會獲得成功審批！

既然前事準備左既野都係徙然，咁我地唯有由零開始，再幫 V先生處理返呢個僱主擔保簽證申請。係準備過程期間，V先生其實都有繼續留意住澳洲會唔會有其他簽證方案可以幫到佢移民，而佢亦知悉到最近大熱既 Global Talent Independent #GTI Program 簽證計劃。坦白說，我地最初對 V先生有無機會得到 GTI Invitation 係存有疑問，但 V先生的心態係 – 「哪管只有一分機會，我都還是想試一試」。當客人既決心係無比咁大時，我地都決定盡力幫佢跑落去，希望會為佢既移民夢帶來一線曙光！

GTI 的申請過程亦都唔係一帆風順，無論係Expression of Interest (EOI) 及簽證申請過程中，移民局都有要求 V先生再提供更多資料以支持佢既簽證申請。慶幸係我地從旁幫助下，呢啲關卡都一一順利通過。最後，V先生係十二月初得到佢早黎既聖誕禮物 – 一張絕版 Subclass 124 永居簽證下簽信 (註︰Subclass 124 visa 已於2020年十一月中被納入至subclass 858 簽證類別)！

寫咁多野，唔係想話俾大家知我地成功幫 V先生拎到簽證係有幾勁。我地再勁都好，如果無 V先生鍥而不捨既精神乜都肯去試既心態，我地亦無機會可以幫到佢達成移民夢。移民路上，未必會係事事一帆風順，問題係你有無決心同動力去行出每一步作出不同既嘗試。V先生就用左無比既決心同毅力成功換黎一個佢期待已久既回報；唔知大家係新既一年，訂下左本年為達成移民夢而要做既事未呢？共勉之！

衷心再一次恭喜你，(小學)師兄！=)

#GTI #GlobalTalentIndepedent #DistinguishedTalentVisa #124簽證 #858簽證 #環球專才移民簽證

#移民澳洲小百科 #移民 #澳洲 #移民澳洲 #澳洲移民 #技術移民 #營商移民 #投資移民#RRV #居民回簽 #澳洲簽證 #澳洲註冊移民顧問 #MARN1807703