移民澳洲小百科 - 移民顧問之煉成
澳洲內政部早前發報左一篇新聞稿(連結於本文底部)，指出兩名人士因無持有澳洲移民代理註冊局 (Office of Migration Agents Registration Authority – OMARA) 的註冊下向他人提供移民咨詢服務而被檢控。
相信好多人都對呢個註冊制度都係一知半解。小編就用呢個機會向大家講解一下如何可以成為一個註冊既澳洲移民代理。
要成為註冊澳洲移民代理既第一步，你必需為澳洲公民或永久居民。所以，如果有人向你聲稱自己係註冊澳洲移民代理，但佢並無以上既身份，咁你都可以唔駛再花時間同佢傾落去。
第二，你必需符合學歷/英語要求，亦即成功完成修讀移民法課程(現時為一個一年制 Full Time / 兩年制 Part Time 既Graduate Diploma level課程)及於 “Capstone Exam”中考獲合格成績，還需擁有訂明的英語學習背景/或以參與英語考試證明英語程度方能通過這方面之要求。
第三，成功註冊既其中一項好重要既條件就係我地需要購買專業責任保險 (Professional Indemnity Insurance)，用以保障客戶於索償中的權益。最後兩樣主要既要求就係申請人需持有最新版本的法例(透過繳付年費購買法例 database) 及向 OMARA 提供澳洲良民證 (National Police Check) 以證明自己係一個 proper and fit person.
終於成功註冊到移民代理既身份 (OMARA 亦會提供一個獨一無二既註冊號碼俾我地以茲識別)，以為事情咁就完結？先係另一個開始！為免寫得太長悶親大家，我地下回再續！
