失而復得的 PR，開展第二次移民之旅

又係分享 GTI Invite/Grant?  你悶唔悶啲呀！係呀，又係分享 GTI Grant 呀，不過今次個個案唔係一般個案嘛！

主角 O 博士早於二十年前已經成功取得澳洲 PR 身份，但自身原因並無去到澳洲定居繼而失去左永居身份。失去左 PR 十多年後，O博士希望可以重新安排返回澳洲定居，因此嘗試申請居民回簽 (Resident Return Visa) 希望取回永居身份，但因未能令移民官信納其與澳洲有重大關連 (Substantial Ties)，所以被狠狠拒簽。

為左可以重返澳洲，O 博士無死心，除咗自己努力考左十幾次英文，希望DIY嘗試技術移民簽證外，亦訪尋左好多唔同移民顧問/律師，睇下有無其他途徑可以攞返失去了的 PR。有啲顧問只係單單建議 O 博士可以再嘗試申請 RRV，但又無辦法提供一個切實可行嘅方案俾 O 博士；有律師甚至同 O 博士講『你當日唔珍惜咁難得到嘅 PR，以後澳洲政府亦唔會再批出任何 PR 簽證俾你！』- 我地聽到呢番說話都只有表示無奈，因為代表呢位律師連批出簽證嘅法例要求係點都唔了解。

憑住我地澳洲持牌移民顧問嘅專業知識同經驗，我地再三同 O 博士確定當日申請 RRV 被拒並不會成為他日再申請移民澳洲嘅障礙。適逢澳洲推出 GTI 計劃，我地更鼓勵 O 博士放手一試，睇下自己可以行到幾遠！

只係等左兩個星期，又一次順利地一個RFI 都無就成功獲邀申請 GTI 簽證。終於，十幾年後，當日無咗嘅 PR，失而復得！衷心希望 O 博士可以開開心心踏上二度移民之路，『咁難得再一次拎到 PR visa，希望澳洲政府以後唔會再收到你嘅 PR 簽證申請啦』！